एकात्मिक बालविकास सेवा योजना

एकात्मिक बालविकास सेवा योजना - प्रस्तावना

लहान मुलांचा शारीरिक, मानसिक आणि बौद्धिक विकास हा त्यांच्या आयुष्याच्या पहिल्या सहा वर्षांत सर्वाधिक वेगाने होतो. या महत्त्वाच्या कालखंडात मुलांना योग्य पोषण, आरोग्य सेवा आणि पूर्वप्राथमिक शिक्षण मिळावे यासाठी एकात्मिक बालविकास सेवा योजना (ICDS) कार्यरत आहे. कणकवली तालुक्यात अंगणवाडी केंद्रांच्या माध्यमातून ही योजना प्रभावीपणे राबवली जाते.

अंगणवाडी सेविका आणि मदतनीस या ग्रामपातळीवर या योजनेच्या खऱ्या शिलेदार आहेत. त्या ०-६ वर्षे वयोगटातील बालकांचे वजन मापन, पोषण आहार वितरण, लसीकरणात सहाय्य, पूर्वप्राथमिक शिक्षण आणि आरोग्य तपासणी ही कामे अंगणवाडी केंद्रांमध्ये करतात. गरोदर महिला आणि स्तनदा मातांना पूरक पोषण आहार आणि आरोग्य मार्गदर्शन दिले जाते. पोषण अभियानांतर्गत कुपोषित बालकांचे विशेष व्यवस्थापन करण्यात येते.